Miras qalan əmlakın müqəddəratının həll edilməsi məsələsi mühüm şəxsi və sosial əhəmiyyətə malikdir. Azərbaycan Respublikası Konstitusiyasının 29-cu maddəsinin VII hissəsində qeyd olunur ki, dövlət vərəsəlik hüququna təminat verir. Konstitusiyanın bu maddəsi vəsiyyət etmək hüququnu geniş anlamda bəyan edərək, vərəsəlik hüququnun təminatı kimi miras qoymağı, yəni bir tərəfdən vəsiyyət edə bilmək hüququnu, digər tərəfdən vərəsə olaraq mirası qəbul edib ona sahib olmaq hüququnu nəzərdə tutur. Qeyd edək ki, vərəsəlik hüququnu tənzimləyən qanunvericlik vərəsələrin dairəsini, mirasın qəbul və ondan imtina, vərəsəlik şəhadətnamələrinin verilməsi qaydaları, müddətlərini və digər məsələləri əhatəli nizamlayır. Azərbaycan Respublikasının Mülki Məcəlləsinin bir çox maddələri vərəsəlik məsələlərinə həsr edilmişdir. Belə ki, Mülki Məcəllənin 1133-cü maddəsində göstərilir ki, “ölmüş şəxsin (miras qoyanın) əmlakı başqa şəxslərə (vərəsələrə) qanun üzrə və ya hər iki əsasla keçir. Qanun üzrə vərəsəlik (ölmüş şəxsin əmlakının qanunda göstərilmiş şəxslərə keçməsi) o zaman qüvvədə olur ki, miras qoyan vəsiyyətnamə qoymur, yaxud vəsiyyətnamə tamamilə və ya qismən etibarsız sayılır”.

Noyabr ayının 4-dən başlayaraq “Naxçıvanqala” Tarix-Memarlıq Muzey Kompleksində “Ailə təsərrüfatı məhsulları” festivalının  keçirilməsinə başlanılıb.

Festivalda Naxçıvan Muxtar  Respublikasında fəaliyyət göstərən  ailə təsərrüfatçıları tərəfindən istehsal olunan və qablaşdırılan məhsullar təqdim olunur.

Məlumat üçün bildirək ki, festivalda həmçinin ailə təsərrüfatlarının istehsalı olan müxtəlif əl işləri, eləcə də nazirliyin Penitensiar Xidmətinin cəzaçəkmə müəssisələrində cəza çəkən məhkumlar tərəfindən hazırlanan əl işləri də nümayiş olunur. 

Ağacişləmə və toxuculuq nümunələri, duzdan hazırlanmış müxtəlif fiqurlar, stol və stullar, ümumilkdə 200 adda digər əl işləri iştirakçılar tərəfindən maraqla qarşılanır.

Qeyd edək ki, festival noyabrın 7-dək davam edəcəkdir.

Ölkəmizdə aparılan məhkəmə-hüquq islahatları çərçivəsində ədalət mühakiməsinin həyata keçirilməsində və cinayətkarlığa qarşı mübarizədə mühüm rol oynayan ekspertiza fəaliyyətinin müasirləşdirilməsi, qanunvericiliyin təkmilləşdirilməsi, alternativ mexanizmlərin tətbiqi üzrə ardıcıl tədbirlər həyata keçirilir. Ölkədə aparılan islahatların davamı olaraq Naxçıvan Muxtar Respublikasında da Məhkəmə Ekspertizası Mərkəzinin fəaliyyətinin yüksək səviyyədə qurulması məqsədilə işlər davam etdirilir.

Ədliyyə Nazirliyi tərəfindən Məhkəmə Ekspertizası Mərkəzinin kadr korpusunun yüksək hazırlıqlı və zəruri peşə keyfiyyətlərinə malik mütəxəssislərlə komplektləşdirilməsi diqqətdə saxlanılır. Belə ki, Naxçıvan Muxtar Respublikası Ədliyyə Nazirliyinin 2022-ci il iş planın icrası  istiqamətində məhkəmə ekspertizası sahəsində yeniliklərin öyrənilməsi, ekspertlərin təcrübi və nəzəri biliklərinin təkmilləşdirilməsi, eyni zamanda yeni ekspert ixtisasları alınması ilə bağlı nazirliyin Məhkəmə Eskpertizası Mərkəzinin Ballistik və trasoloji ekspertizalar şöbəsinin eksperti “Odlu silah və döyüş sursatlarının, qaz, pnevmatik və soyuq silahların tədqiqi” ekspert ixtisası alması üçün Azərbaycan Respublikası Ədliyyə Nazirliyinin Məhkəmə Eskpertizası Mərkəzinə ezam edilmişdir. Təşkli edilən 5 aylıq kurs müddəti ərzində ekspert kriminalistikanın nəzəri və metodoloji əsasları, məhkəmə ekspertizası fəaliyyətinin nəzəri və təcrübi əsasları, atəşli (odlu) silah və döyüş sursatlarının, qaz, pnevmatik və soyuq silahların ekspertizası üzrə təcrübi və nəzəri bilikləri mənimsəmişdir.