Naxçıvan Muxtar Respublikası Ədliyyə Nazirliyi tərəfindən yerli icra və probasiya qurumlarında vakant icra məmuru vəzifələrinin tutulması üçün 01 fevral 2022-ci il tarixdə elan edilmiş vakansiyaya sənəd qəbulu 01 aprel 2022-ci il tarixdə başa çatacaq. Aprel ayı ərzində müsabiqənin test imtahanı mərhələsinin keçirilməsi nəzərdə tutulur.

Müsabiqədə ali hüquq təhsilli, Azərbaycan Respublikasının vətəndaşları iştirak edə bilərlər. Namizədlər Naxçıvan Muxtar Respublikasının Dövlət İmtahan Mərkəzinin internet portalında (www.dim.nmr.az) “şəxsi kabinet” bölməsinə daxil olaraq elektron müraciət formasını doldurmaqla qeydiyyatdan keçə bilərlər.

Sənəd qəbuluna dair əlavə məlumat əldə etmək istəyən şəxslər Dövlət İmtahan Mərkəzinə müraciət edə bilərlər.

     Naxçıvan Muxtar Respublikası

Ədliyyə Nazirliyinin mətbuat xidməti