Mayın 4-də Naxçıvan Muxtar Respublikası Ədliyyə Nazirliyinin Penitensiar Xidmətinin Qarışıq Rejimli Cəzaçəkmə Müəssisəsində Ümummilli Lider Heydər Əliyevin anadan olmasının 100 illik yubileyi ilə əlaqədar cəza çəkən məhkumlar üçün konsert təşkil edilib.

Əvvəlcə Azərbaycan xalqının unudulmaz rəhbəri Heydər Əliyevin insan və vətəndaş hüquq və azadlıqları, eyni zamanda cəza-icra siyasəti barədə xidmətin əməkdaşları tərəfindən ətraflı məlumat verilib. Sonra Naxçıvan Muxtar Respublikaının Daxili İşlər Nazirliyi ilə birgə təşkil edilmiş səyyari xidmət zamanı sənədlərinin qeydiyyatı götürülən 45 məhkuma yeni nəsil şəxsiyyət vəsiqəsi təqdim edilib.

Tədbir Naxçıvan Musiqi Kollecinin 15 nəfərdən ibarət musiqi kollektivinin konsert proqramı ilə davam edib. Məhkumların asudə vaxtlarının səmərəli təşkili, onların əhval-ruhiyyəsinin yaxşılaşdırılması məqsədilə təşkil edilən tədbir onlarda xoş təəssürat yaradıb. Məhkumlardan Heydər Əliyevə həsr olunan şeirlər dinlənilib.

          Naxçıvan Muxtar Respublikasının

    Ədliyyə Nazirliyinin mətbuat xidməti